Полицијата во Дубаи во силните поплави по невидениот обилен дожд спаси мачка, а моментот на нејзиното спасување е споделен на интернет.
Црно-бела моги мачка која очајно се држи за врата од автомобил била откриена од спасувачките екипи откако градот го погодија рекордни поплави.
Дубаи и неговите граѓани, како и туристите, се мачеа со силен дожд, а и локалните животни очигледно имаа проблеми. Мачката прикажана на видеото е една од многуте жртви кои се обиделе да избегаат од водата.
На видеото се гледа моментот кога припадник на спасувачката служба скока на помош на мачката и ја префрла на чамецот пред да ја однесе на суво.
Државната новинска агенција WAM го нарече дождот во вторникот „историски временски настан“ што надмина „сѐ што е документирано од почетокот на собирањето податоци во 1949 година“.
Дожд почна да врне во текот на ноќта од понеделник кон вторник, а луѓето ги оставија своите автомобили по поплавените улици. Медиумите јавуваат дека за само 24 часа наврнал дожд колку што вообичаено паѓа за две години во овој регион.
