Здравата исхрана е една од клучните работи за добро функционирање на организмот. Кога се зборува за тоа која храна е најдобра за видот, на многумина прво што им доаѓа на ум се морковите.
Доктор Џоел Мекгахен се занимава со различни проблеми со видот, а сега објасни дали морковот навистина може да го подобри видот.
Морковите се богати со бета-каротен, кој телото го користи за производство на витамин А. Морковите се добри за намалување на нивото на холестерол и за подобрување на видот. Витаминот А помага окото да ја претвори светлината во сигнал кој се испраќа до мозокот, овозможувајќи подобро да гледате при слаба светлост.
Ако станува збор за човек со ослабен вид или какви било проблеми со очите, веднаш треба да посети експерт за правилна дијагноза и лекување.
Според студиите, нејасно е колку моркови треба да изедеме за да се подобри видот. Повеќето истражувања се насочени на бета-каротенот или на витаминот А, не посебно на морковот.
Контролна студија од 2005 година спореди различни намирници богати со витамин А кои можат да помогнат кај ноќно слепило кај трудниците. Резултатите покажале дека при тоа може да помогне редовното јадење морков и тоа околу 127 грама шест дена во неделата.
Од друга страна, некои студии сугерираат дека бета-каротенот не се претвора во витамин А и дека луѓето треба да го земаат како додаток. Покрај тоа, ако јадете премногу морков, тоа нема да го поправи видот, се наведува во студиите. Кога имате доволно бета-картоен во телото, тоа нема да се претвори во витамин А. Телото природно реагира на прекумерно производство на витамин А за да спречи насобирање материи до токсично ниво.
Со оглед на тоа дека нема јасни показатели дека морковите го подобруваат видот, Мекгахен советува да ги јадете колку што сакате. За добар вид во исхраната вклучете и зелен лиснат зеленчук, како спанаќ и кељ.
