Влатко Стефановски и триото V3 синоќа одржаа епохален концерт во Босанскиот културен центар во Сараево, објави Klix.ba.
Заедно со двајцата одлични млади музичари на сараевската публика ѝ пружи енергична и емотивна музичка масажа.
По долго време Стефановски пристигна во Сараево, како дел од мини турнејата низ Босна и Херцеговина, а овој пат дојде заедно со синот Јан Стефановски кој свири на тапани, и одличниот басист Иван Кукиќ. Тројцата го хипнотизираа секој човек во салата на БКЦ со внимателно одбраниот музички репертоар, изведбата и неподносливата леснотија на свирење.
Стефановски е квалитетен кантавтор и еден од најмаестралните гитаристи од овие простори, а тоа повторно го потврди со својот синоќешен настап, се вели во објавата на Klix.ba. Концертот започна со препознатливите ритми на „Македонско девојче“, а потоа следеа различни тонови и гласови. Човек чија музика е џез и рок и фанк и гранџ, полн со идентитет, лишен од тривијалност - преку двочасовна програма на слушателите им пренесе голем дел од себе, својата музика, емоции и верувања.
„Вера, надеж, љубов“, повтори Стефановски и тоа никогаш не ни било попотребно, пишува Васиќ.
„На музичкото патување уживавме и во неискажливи инструментални балади, но и во виртуозните и блескавите сола на тројцата музичари. За Стефановски знаевме дека со неговата умешност за малку ќе ве испрати во астрална проекција и транс, но она што го покажаа двајцата млади музичари - таа зачуди, предизвика почит и остави надеж. 21-годишниот син на Влатко покажа завидна вештина и енергија на тапани, а на бас гитара беше 24-годишниот ‘Господар на прстените’ - уште еден од оние посебни луѓе кои знаат да му дадат вистинско значење на овој инструмент. Интересно е и тоа што ова е прв концерт на Јан во Сараево, а Влатко имаше точно 21 година кога за првпат настапи пред сараевската публика“, пишува Klix.ba.
На крајот, тројцата заедно со хитовите на „Леб и сол“ и последниот албум на Влатко, суштински ја подготвија публиката за крај во безстресна и безгрижна состојба. И Сараево беше на нозе.