Провени во однос на правилата за влез на македонски државјани донесоа Данска и Италија - едната ги олабави мерките, другата ги заостри.
Властите во Данска донесоа одлука македонските државјани да може да ја посетат оваа нордиска земја со приложување на валиден ЕУ дигитален сертификат за извршена вакцинација со една од вакцините одобрени од ЕМА, односно Pfizer/BioNTech, Moderna, AstraZeneca и Johnson & Johnson, потоа потврда за прележан COVID-19 не постар од 12 месеци или негативен ПЦР тест.
За разлика од Данска, мислењето во Италија е дека во Македонија ситуацијата е влошена и поради тоа Чизмата се затвора за посети од македонски државјани, со одредени исклучоци.
Во Италија од вчера не може да се влезе ниту со вакцинација, ниту со ПЦР, со исклучок на оние кои студираат во земјата, работат таму, имаат итна здравствена причина (лекување или операција), имаат дозвола за престој или живеат во Италија но во времето на воведување на мерките биле затекнати во Македонија. Сепак, и овие граѓани ќе мора да приложат негативен ПЦР тест, а згора на тоа ќе мора да одат и 10 дена во изолација, период по кој повторно ќе бисдат тестирани и доколку имаат негативен тест ќе можат да излезат од изолацијата.
