Скопје, 28 мај 2020 (МИА) – Од вкупно дијагностицираните нови 38 случаи со COVID-19, според денеска објавените податоци, 24 се од Скопје.
Во последните 24 часа направени се 560 тестирања, а регистрирани се 38 нови случаи на COVID-19. Од нив, 24 се во Скопје.
Како што информираа за МИА од Министерството за здравство, согласно податоците од Институтот за јавно здравје заболените во Скопје се од следните општини: Бутел-4, Сарај-7, Чаир-3, Аеродром-3,Студеничани-2, Гази Баба-1, Шуто Оризари-2, Кисела Вода-1 и Карпош-1.
Досега во земјата се направени вкупно 27.023 тестирања.
