Најтивката просторија во светот се наоѓа во седиштето на Microsoft во Редмонд, Вашингтон. Досега никој не успеал да издржи еден час во неа.
Изградена е во 2015 година, а на Microsoft им беа потребни две години да изградат просторија во која ќе има целосна тишина.
Оваа изолирана комора важи за Гинисов рекорд за најтивко место во светот. Во неа владее целосна тишина, поради што ќе слушате зуење во ушите. Во оваа безвучна просторија ќе го слушнете сопственото срцебиење, белите дробови и звуците од стомакот, што значи дека вие станувате звук.
„Најдолгото време што некој го минал непрекинато во комората е околу 55 минути“, вели Хундрај Гопал за CNN.
Со оглед на тоа што нема надворешни звуци, дури и движењето станува тешко.
Комората е изградена е од шест слоеви бетон и челик за да го блокира секој надворешен звук. Ако се обидете да зборувате, вашиот глас ќе звучи нормално во комората, но кога ќе почнете да се движите низ собата, звукот ќе почне да избледува. Токму затоа комората има неверојатна цел во развојот на нови аудио технологии, поради што е и дизајнирана.
Во оваа просторија, Microsoft ги подобрува производите за аудио изведби при што се тестира сè што е поврзано со звук - од микрофони и звучници до мерење бучава на вентилатор на Xbox конзола.