Во главната борба на настанот УФЦ 290 што се одржа ноќеска во Лас Вегас, Австралиецот со македонски корени, Александер Волкановски, во третата рунда со технички нокаут го победи мексиканскиот борач Јаир Родригес.
Волкановски петти пат по ред успешно го одбрани појасот во перо категорија.
Волкановски и покрај тоа што во мечот влезе со повреда на раката, не дозволи изненадување. Од самиот почеток се наметна како подобар борач, а во третата рунда го нокаутираше противникот.
По мечот Волкановски најави нова борба до крајот на годината, а противник според негова желба би бил досега непоразениот Грузиец Илиа Топуриа.
Враќањето на Волкановски во октагонот дефинитивно ќе се случи дури по операција на раката.