По 50 години, луѓето повторно ќе чекорат по Месечината. Artemis 1 ќе лансира вселенски лет без екипаж, прва мисија во програмата која сака да изгради населби на Месечината.
Artemis 1 е тест мисија без екипаж, но е првиот чекор кон враќање на луѓето на Месечината, по Apollo 17 мисијата во 1972 година. Населувањето на Месечината е важно за истражувањата на Марс бидејќи астронаутите сакаат да ја искористат површината на Месечината како еден вид почетна станица за повторно раздвижување во текот на долгите прошетки на Црвената планета.
Тимовите за лансирање во вселенскиот центар „Кенеди“ на Флорида ги завршија последните подготовки пред планираниот денешен прв пробен лет на џиновската ракета од новата генерација Artemis 1.
Со мисијата се планира луѓето да стигнат на Месечината во 2025 година и воспостават трајни населби во текот на патувања во следните години.
„На почетокот луѓето ќе одат на Месечината по недела дена, но идните мисии ќе остават луѓе по еден месец или два. На крајот ќе бидат направени трајни населби“, изјави за Deutsche Welle Јирген Шулц, инженер за воздухопловство во ЕСА.
Мисијата ќе полета од вселенскиот центар „Кенеди“ денес во 7:30 на Флорида (13:30 во Централна Европа), лансирајќи го вселенскиот брод Orion кон Месечината .Лансирањето следете го во живо:
