Македонската фудбалска лига можеби нема квалитет, но изобилува со интересни и смешни дешавки.
Се навраќаме на сезоната 2017/18 кога во 31. коло битолски Пелистер гостуваше кај Скопје во Автокоманда.
Еден повозрасен домашен симпатизер помина пола трибина за да им ја врати топката на гостите, кои требаше да изведат корнер, а тие од другата страна си донесоа друга топка.
Потоа еден гостински играч, лутејќи се што гледачот ја вратил во терен, топката ја рогна надвор од стадион, но навивачот набрзо ја дочека својата одмазда.
Секунди подоцна топката отиде во аут, директно во рацете на истиот навивач. Овој пат место да им ја врати на гостите, тој ја рогна надвор од стадион притоа дофрлајќи неколку, веројатно сочни зборови.
Пелистер тогаш доживеа дебакл губејќи со 4:0, а на крајот на сезоната и двете екипи се преселија во 2.МФЛ Запад.