WhatsApp моментално тестира опција која овозможува криење на last seen статусот од одредени контакти на корисникот, а ќе биде достапна на уредите со Android и iOS.
WhatsApp почна да воведува емоџи реакции и наскоро ќе имплементира уште една корисна опција. Станува збор за опција која им овозможува на корисниците да го сокријат статусот last seen од одредени контакти.
Статусот last seen покажува кога корисникот последен пат ја проверил/користел апликацијата.
Досега WhatsApp им дозволуваше на корисниците да ја ограничат видливоста на нивниот last seen статус само на нивните контакти, како и целосно да го исклучат, но наскоро ќе може да оневозможат одредени контакти да ги видат споменатите информации.
WhatsApp iOS бета верзијата 22.9.0.70 ја содржи опцијата My Contacts Except во делот Last Seen во поставките за приватност. Но, ако корисникот оневозможи одреден контакт да го гледа неговиот статус, истото ќе се случи и во обратна насока.
Покрај тоа, WhatsApp воведува дополнителни контроли за приватност поврзани со фотографиите на профилот и друго, а со оглед на фактот дека бета тестирањето е во тек, нема да чекаме долго за новите опции.
