Веројатно барем еднаш ви се случило месото кое сте го подготвиле да не излезе меко, туку жилаво, а не помогнала ниту маринадата.
Пробајте го овој лесен трик со киви, благодарение на кои месото ќе биде и тоа како кревко. Сѐ што е потребно да направите е да го обложите месото со парчиња киви и да оставите така да отстои некое време пред да почнете да го подготвувате.
Кивито содржи протеолитички ензими кои придонесуваат во разградувањето на врзното ткиво во месото, поради што тоа станува навистина меко. Доколку месото планирате да го ставите во маринада, направете сѐ како што ви е по план, а на крајот додадете исечкани киви на некој час-два пред да почнете со подготовката на месото.
Имајте на ум дека е важно месото да не биде предолго обложено со киви, за да не стане премногу меко бидејќи потоа ќе ви се распаѓа во текот на подготовката.
Сличен ефект врз месото има и ананасот, па можете да го искористите наместо киви.
