Руските власти објавија дека загинал Кирил Стремоусов, заменик на рускиот челник на Херсон.
„Нема да ни недостига“, напиша украинската агенција Nexta која ја објави веста. Стремоусов беше еден од позначајните проруски бунтовници во Херсон, а секојдневно беше активен на социјалните мрежи.
Наводно загинал во сообраќајна несреќа. Не е познато како дошло до несреќата.
„Кирил Стермоусов, соработник на окупаторот во Херсон, загина во несреќа. Овој предавник премина на страната на Русија. Активно се спротивставуваше Херсон да се предаде и изјави дека Русија е таму за да остане засекогаш. А, сега мистериозно почина“, напиша украинскиот пратеник Олексеј Гончаренко.
Смртта на Стремоусов ја потврди шефот на анектираниот Крим, Сергеј Аксјонов. Тој на Телеграм напиша дека Стремоусов беше „вистински борец“ и „руски патриот“.
Руските медиуми објавија дека Стремоусов загинал во сообраќајна несреќа на автопат помеѓу Херсон и Армијанск на Крим.