Заврши полусезоната во првата фудбалска лига, Струга лидер пред Шкупи

Есенскиот дел во најдобрата македонска фудбалска лига заврши со одигрувањето на денешните натпревари од 18. коло по кое се доби и конечната табела на полусезона.

Струга уште минатата недела си ја имаше осигурано есенската титула, но денеска киксна против фенерџијата Скопје во Автокоманда играјчи само 1:1.

Второпласираниот Шкупи, кој е и бранител на титулата освоена лани, во интересен натпревар полн со голови беше подобар од Работнички. Чаирчани сега во пролетниот дел ќе мора да надополнат негатива од 3 бода во однос на одличните стружани. Разликата изнесуваше 5 бода до ова коло, но благодарение на киксот на лидерот, таа се намали.

Третопласираната Шкендија беше слободна ова коло и за неа зимската пауза почна уште од минатиот понеделник. Тетовчани бодовни заостануваат зад лидерот и според табелата повеќе изгледа како да ќе се борат да го задржат третото место кое го меркаат Тиквеш, Силекс и Брегалница.

Кога е во прашање опстанокот, три тима се издвоија како главни кандидати за преселба во второлигашката конкуренција наредната сезона. Последнопласираниот Скопје заедно со Академија Пандев и Победа ќе се борат за избегнување на единственото место кое гарантира второлигашки статус, но и едното место кое води во баражот за испаѓање.

Во македонскиот фудбал често зимската пауза знаела да донесе многу промени, па ништо чудно тоа да биде случај и сега. Сѐ ќе зависи од тоа како ќе продаваат и купуваат клубовите во јануарскиот преоден рок.

Резултати од 18. коло:

Скопје - Струга 1:1
68' Леонид Игнатов - 58' Христијан Малески

Академија Пандев - Тиквеш 0:2
21' Иван Ивановски, 62' Андреј Лазаров

Силекс - Македонија ЃП 1:3
76' Марјан Ристовски - 14', 24', 83' Филип Мишевски

Работнички - Шкупи 2:4
54', 63' Методи Максимов - 7' Сандеј Адетунџи, 40' (аг) Фати Исмаили, 21', 79' Кристијан Трапановски

Брегалница - Победа 2:2
17', 21' Дарко Додев - 47' Адтхе Мазари, 72' Губам Дадет Амос

Шкендија беше слободна.

Табела:

1. Струга 37
2. Шкупи 34
3. Шкаендија 28
4. Тиквеш 26
5. Силекс 26
6. Брегалница 21
7. Македонија ЃП 20
8. Работнички 18
9. Победа 13
10. Академија Пандев 12
11. Скопје 11