Истражување покажа дека 30 отсто од корисниците на платформата за запознавање Tinder се во брак, а 12 отсто од нив се во врска.
И како да не беше доволно тешко да се избегнат чудаците на интернет кои се навистина сингл, една студија покажа дека речиси една третина од корисниците на Tinder воопшто не би требало да ја користат апликацијата, бидејќи се во брак.
Компанијата GlobalWebIndex (GWI), која спроведе истражување и анкетираше 47.000 машки корисници на апликацијата Tinder од целиот свет, покажа дека 30% од овие корисници биле во брак во моментот на користење на апликацијата, а дека најмалку 12 отсто од нив биле во сериозна врска.
Вкупно, само 54 отсто од нив се класифицирале како сингл, а три отсто биле разведени и вдовци, објави Business Insider. Покрај тоа што голем број од нив се зафатени, истражувањето покажа и дека корисниците на Tinder, од кои шест милиони се постојани и 75 милиони повремени корисници, се претежно мажи (62 отсто наспроти 38 отсто жени), како и дека се претежно помлади. Околу 38% од корисниците на Tinder се помеѓу 16 и 24 години, а 45% меѓу 25 и 34 години.
„Апликацијата е дизајнирана како платформа за запознавање луѓе од различни причини, било да е тоа поради врска, пријателство или некој вид платонска врска“, рече шефот на маркетинг на Tinder, Џастин Матин, во врска со овие резултати.
Патем, во 2018 година, тим истражувачи од Холандија и САД, исто така, открија дека, кога станува збор за апликациите за запознавање воопшто, процентот на оженети корисници е уште поголем отколку на Tinder и дека дури 42 отсто од луѓето со профил на некоја апликација за запознавање се во брак.