Со текот на времето, внесувањето на премногу шеќер го зголемува ризикот од дебелина, дијабетес, но може да предизвика и развој на состојби како одредени видови канцер и хронични болести, вели нутриционистот Бригит Зетлин.
Најновите препораки во исхраната се дополнителниот шеќер да не биде повеќе од 10 проценти од дневните калории. Тоа е околу 38 грама или 10 мали лажички за жени чија исхрана содржи 1.500 калории или 50 грама (13 мали лажички) за мажи чија исхрана содржи 2.000 калории.
Американското здружение за исхрана и Светската здравствена организација сметаат дека тие количини треба да бидат помали: 25 грама (6 мали лажички) дневно за жени и 36 грама (9 чајни лажички) дневно за мажи.
Ова се некои од знаците кои покажуваат дека внесувате премногу шеќер:
Додека експертите велат дека за повеќето луѓе акните немаат врска со исхраната, некои студии го поврзуваат избивањето акни со прекумерна консумација на слатко.
Шеќерот го зголемува производството на хормони, особено на оние кои обично се појавуваат околу вилицата и устата, објаснува дерматологот Брус Робинсон.
Некои истражувања го поврзуваат шеќерот со промени во расположението како депресија. Шеќерот може да влијае на невротрансмитрите во мозокот кои го регулираат расположението. Шеќерот предизвикува раст на серотонин, хормон на среќа. По некое време следи пад на расположението па може да се чувствувате нервозно и уморно.
Ако изедете чоколадо пред спиење тоа може да предизвика проблеми со заспивањето. Може да ви биде тешко да заспиете, но и ако заспиете, нема добро да се наспиете и разбудите одморени бидејќи во текот на ноќта опаѓа шеќерот во крвта.
Шеќерот е полош за вашиот крвен притисок од солта, покажа истражување објавено во Open Heart. Исхраната со висок процент на сахароза во само неколку недели може да го зголеми крвниот притисок. Друга студија на British Journal of Nutrition покажа дека за секој напиток засладен со шеќер ризикот од развој на хипертензија се зголемува за 8 проценти, пишува Eat This, Not That.
