Често, за да се опише далечно или зафрлено, изолирано место се вели дека местото е „во Тунгузија“. Сепак, многу луѓе немаат поим каде е Тунгузија.
Регионот Евенки или Евенкија се наоѓа во североисточниот дел на регионот Краснојарск во Русија и на многумина им е познат како Тунгузија.
Овој регион, чие име често се споменува во секојдневниот говор на Балканот, е познат по експлозијата што се случила во 1908 година.
Тунгуска експлозија од 1908 година е името дадено на необјаснета експлозија што се случила во Русија, во Сибир, во близина на Тунгуска Река. Настанот се нарекува и Големата сибирска експлозија. Се претпоставува дека астероид паднал и изгорел над областа.
Поради експлозијата се уништени и изгорени дрвја во радиус од 30 километри, а пукнати се прозорците и вратите во градот Ванавара, оддалечен 65 километри. Се проценува дека настанот зафатил површина од 2.000 квадратни километри и уништил 60 милиони дрвја.
Потоа, во 2019 година во овој регион се појави метеорит кој се најде на насловните страници на светските медиуми. Парчето е пронајдено во река во близина на селото Учами во регионот Краснојарск.
