HITC Sevens подготви анализа на една прилично интересна тема поврзана со Светското првенство во фудбал.
Со популација од 1,3 милијарди жители, Индија е втората најнаселена држава во светот, а во региони како Керала и Калкута има голем интерес за фудбалот.
Сепак, индискиот национален тим не бил некоја сила во меѓународниот фудбал од „златната генерација“ од пред 70 години, кога Индија настапи на Олимписките игри во 1948 и 1952 година, но одби место на Мундијалот во Бразил во 1950 година.
Долго време се тврдеше дека Индија постапила така бидејќи ФИФА забранува фудбалерите да играат боси, но во овој краток документарец, HITC Sevens ги анализира историјата на индискиот фудбал, вистинската причина зошто Индија не учествуваше на СП и долгорочните последици од таа тешка и поразителна одлука.