Сигурно сте приметиле колку мали се порциите во скапите луксузни ресторани и многу веројатно сте се запрашале зошто е тоа така.
Дали со малото јадење сервирано во огромна чинија треба да нѐ натераат да порачуваме повеќе и повеќе и да направиме голема сметка? И да и не.
Мало парче храна послужено во голема чинија потекнува од Франција. Идејата уште на времето била преку малку јадења да може во еден оброк да се пробаат повеќе, дури и до 20 различни јадења.
Се разбира, тоа е наменето за оние со длабок џеб, иако целта не е да се направи поголема сметка туку да се ужива во повеќе јадења за еден ручек или вечера.