Навивачите приметија на фотографиите објавени на социјалните мрежи дека Кристијано Роналдо има лакирани нокти на нозете, па многумина се запрашаа зошто е тоа така.
Иако овој тренд денес е релативно популарен меѓу некои мажи, Роналдо своите нокти не ги лакира од естетски причини, туку од практични.
Португалецот објави фотографија како се опоравува во сауна во Саудиска Арабија, а на навивачите око им фатија неговите лакирани ножни нокти.
Германски Bild тврди дека спортистите ги лакираат своите нокти за да стават заштитен слој на нив кој ги штити од габични и останати бактериски заболувања. Токму тоа е причината зошто и Роналдо ги лакира своите ножни нокти.
„Многу спортисти го прават ова за да ги заштитат ноктите од габи и бактерии кога со часови се затворени во испотени патики. Тоа го правеше и Мајк Тајсон“, пишуваат германските медиуми.
Истиот трик го користи и поранешниот УФЦ тешкашки шампион Андреј Арловски, а борачите лакот го ставаат и за да ги зацврстат ноктите. Лакот не само што ги зацврстува, туку и ги штити од оштетувања за време на борбите.
