На социјалните мрежи се шири видео на кое се гледа како камион на Tesla вози по автопат.
Tesla Semi е снимен на планински дел од автопатот во Калифорнија, каде според авторот на видеото, Tesla го тестира Semi под полн товар.
Претпоставувајќи дека камионот е навистина целосно натоварен, Semi остава впечаток на супериорност во однос на класичните камиони со дизел погон.
„Размислував како (безбедно) да снимам видео од Tesla Semi и дизел камион додека се искачуваат по стрмнина. Острината на нагорнината кај преминот Донер е од 7 до 16%. Ова е дел од она што го снимив“, стои во објавата на авторот @HinrichsZane.
За потсетување, Tesla Semi има конфигурација со три електромотори, а Tesla вели дека при целосно оптоварување (над 37 тони) достигнува брзина од 96 км/час за само 20 секунди. Во зависност од батеријата, досегот е 483 или 804 км.
