Објавени се првите фотографии од снимањето на сцените од продолжението на серијата „Sex and the City“ во кои се појавува ликот на Ѕверка.
Сара Џесика Паркер и Крис Нот беа видени како снимаат сцени во Њујорк во понеделникот за долгоочекуваното продолжение на популарната серија што ќе биде насловено „And Just Like That...“.
Паркер (56) и Нот (66) се враќаат да ги репризираат своите ликови, Кери Бредшо и Ѕверка, во серијата во продукција на HBO Max.
Дел од новото сценарио, според кое Кери и Ѕверка наводно се разведуваат, стигна и до медиумите, а судејќи според првите фотографии на Ѕверка на снимањето на серијата, се чини дека тие не се во најдобри односи.
На фотографиите објавени од списанието Page Six Паркер и Нот вежбаат сцена во која нивните ликови изгледаат напнати додека зборуваат. Двојката веќе доживеа брачна криза во вториот дел од филмот базиран на истоимената серија, во која Кери накратко повторно се поврза со нејзиниот поранешен вереник Ејдан Шо.
Џон Корбет, кој го отелотвори Ајдан, исто така се враќа во серијата, а се враќа и Наташа Нагински, втората сопруга на Ѕверка, која ја игра Бриџит Мојнахан. Таа ќе се појави како специјален гостин во серијата And Just Like That...“ и веќе беше забележана на сетот во Њујорк.