Милијардерот Роман Абрамович купи имот во Израел, кој според тамошните медиуми, важи за најскапиот во историјата на земјата. Се наоѓа во елитната населба Херзлија Питуах, предградие во северот на Тел Авив.
Тој платил рекордни 65 милиони долари за својата нова куќа. Во соседството се наоѓаат и резиденциите на некои амбасадори.
„Кусо пред корона-кризата, се склучи најскапиот договор од областа на недвижностите во историјата на Израел… Руско-израелскиот милијардер Роман Абрамович купи имот во Херзлија Питуах за 226 милиони шекели (64,5 милиони долари)”, соопшти агенцијата за недвижности Iftach Vax (יפתח וקס).
Имотот зафаќа вкупно 9.500 квадратни метри. Основен дел од сѐ тоа е куќата што од 2006 година му припаѓала на Британецот Алан Хауард – соосновач на компанијата Brevan Howard Asset Management. Тој ја купил вилата за 9 милиони долари од Лени Реканати и „потрошил купишта пари за раширување на имотот од 6.500м² на 9.500м²“ градувајќи и две нови куќи, проектирани од познатиот архитект Орли Шрем.
Главната куќа е реновирана, но така што се задржал стариот препознатлив стил на градот. На имотот има и тениско игралиште и базен со хидраулична платформа.
Абрамович доби израелско државјанство во 2018 година врз основа на своето еврејско потекло. Тој е сопственик на англискиот премиерлигаш Челси.
