Германскиот прозиводител претстави специјално издание на италијански дрес со кој ќе се прослават 125 години од основањето на Италијанската фудбалска федерација.
Adidas објави неколку фотки од специјалниот дрес, кој ќе дебитира в четврток кога Италија ќе игра против Шпанија во полуфиналето од Лигата на нации. Натпреварот се игра во Енсхеде, Холандија.
Дресот и шорцевите се целосно бели, со логото во златна боја, како и златни линии на ракавите. Во истата боја е и логото на Adidas, како и бројките и имињата на играчите. Штуцните се во црна боја, исто со златни линии.
Специјалниот дрес за 125-годишнината е инспириран од првиот историски дрес на Италија, со кој во 1910 година репрезентативците истрчале на натпреварот против Франција во Милано, на тогашниот стадион „Чивико“, и победиле со 6:2.
Дресот е во ограничени количини со произведени само 2023 парчиња, за да алудира на годината кога се прославува јубилејот.