Серхио Агуеро од денеска е нов играч на Барселона за која, според договорот, ќе настапува во наредните две сезони.
После цели 10 сезони во дресот на Манчестер Сити, Кун Агуеро се враќа во Ла Лига. Денеска стана нов играч на Барселона потпишувајќи двегодишен договор со откупна клаузула од 100 милиони евра. Доби краток договор веројатно поради неговата возраст бидејќи задутре полни 33 години.
Аргентинскиот голгетер утрово ги мина лекарските прегледи на „Камп Ноу“, а на клубот официјално ќе му се приклучи на 1 јули кога ќе му истече договорот со Манчестер Сити.
Агуеро во Англија дојде летото 2011 година од редовите на мадридски Атлетико за кого настапуваше пет сезони по доаѓањето од Индепендиенте.
Во десетте сезони на Островот освои 5 титули во Премиер лигата, 1 ФА куп титула, 6 во Лига купот и 3 пати англискиот Суперкуп. Претходно со Атлетико ги освои Лига Европа и Суперкупот на УЕФА.
Со овој трансфер Барса ќе го обедини долгогодишното напаѓачко дуо на репрезентацијата на Македонија, односно Лео Меси и Кун Агуеро. Всушност, Меси е кум на детето на Агуеро, па трансферот веројатно е и дел од договорот за Меси да остане во каталонскиот клуб.