На воведните два натпревара од денешната програма во Лигата на шампионите победи забележаа холандски Ајакс и португалски Спортинг.
Ајакс го пречека шкотски Ренџерс и уште по првите 45 минути ја обезбеди победата. Мексиканецот Едсон Алварес ја начна гостинската мрежа во 17. минута, а потоа Стивен Бергхуис, кој асистираше при водечкиот гол, во 32. минута го дуплираше водството. Само минута подоцна Ганецот Мохамед Кудус зголеми на 3:0.
Гостите од Глазгов до крајот останаа во подредена улога, едвај создаваа шанси и речиси и да не успеаја да го загрозат голот на холандскиот шампион. Затоа, пак, Бергхуис на 10 минути пред крајот се погрижи победата да гласи 4:0.
Ајнтрахт, минатогодишниот освојувач на Лига Европа, имаше неславно деби во групната фаза пред своите гледачи. Германскиот тим го прелека лисабонски Спортинг и по првиот дел без голови го загуби натпреварот во последните половина час игра. Спортинг поведе во 65. минута со голот на Англичанецот Маркус Едвардс, а само две минути подоцна истиот играч му асистираше на Франсиску Тринсау за 0:2. Се играше 82. минута кога Спортинг поита во конта која заврши со гол на Нуну Сантуш за 0:3.
Вечерва од 21 часот се среќаваат:
Атлетико - Порто
Барселона - Викторија
Клуб Бриж - Баер Леверкузен
Интер - Баерн
Наполи - Ливерпул
Тотенхем - Марсеј