Вежбањето, здравиот начин на исхрана и избегнувањето слатки значат многу ако сакате да изгубите вишок килограми.
Ако се трудите да живеете здраво и да ги следите советите поврзани со слабеење, брзо ќе научите и кои намирници треба да ги исфрлите од исхраната додека сте на диета.
Сепак, и газираните пијалаци треба целосно да ги исфрлите во тој период, бидејќи се поврзани со зголемувањето килограми. Според резултатите од студија објавена во BMC Public Health, 20% од целокупниот внесување на калории во организмот во еден ден доаѓа од пијалаци. Просечна личност консумира 2.000 калории во ден, а околу 400 калории се од течности.
Студија откри дека станува збор за комбинација од кафе и чај со додатоци, енергетски пијалаци, овошни сокови, млеко и алкохол. Но, сите овие споменати пијалаци не можат да се споредат со оние кои содржат најмногу калории, а тоа се газираните пијалаци.
Во резултатите од студијата стои дека токму газираните течности може да значат внесување од 35 до 141 калории, зависно од тоа колку сте возрасни. Јасно е како се поврзани со зголемувањето килограми, особено ако знаеме дека во една лименка од газиран напиток има околу 150 калории. Треба да се има на ум дека станува збор за празни калории кои доаѓаат од шеќери.
