Репрезентацијата на Албанија со изненадувачки 3:0 ја победи Чешка и направи огромен чекор кон пласман на Европското првенство. Турција ја изненади Хрватска среде Осиек и ги однесе бодовите.
Синоќа продолжија квалификациите за пласман на ЕУРО 2024, а видовме неколку интересни натпревари.
Шпанија ја победи Шкотска со 2:0 нанесувајќи ѝ го првиот пораз на островската селекција во овие квалификации.
Алваро Мората ги доведе Шпанците во водство во 74. минута по асистенција на Хесус Навас, додека Оихан Сансет го удвои водството по додавањето на Хоселу. Вреди да се напомене дека во 60. минута голот на Скот МекТоминеј за водство на гостите беше поништен.
Во вториот натпревар од оваа група Норвешка го декласираше Кипар на гости, беше 4:0 за скандинавската селекција, за која Ерлинг Холанд постигна два гола, додека по еден дадоа Александер Сорлот и Фредрик Аурснес.
Резултати:
Шпанија - Шкотска 2:0
74' Алваро Мората, 86' Оихан Сансет
Кипар - Норвешка 0:4
33' Александер Сорлот, 65', 72' Ерлинг Холанд, 81' Фредрик Аурснес
Фудбалерот на Галатасарај, Бариш Алпер Ј'лмаз во 30. минута од натпреварот постигна гол вреден три бода на гостувањето во Хрватска. Во продолжение Хрватите се обидоа да ги израмнат, но не успеаја во тоа и го забележаа првиот пораз во овие квалификации.
Така Турците им се реваншираа на Хрватите за поразот од март годинава, кога „Ватрените“ славеа во Бурса со 2:0, а двата гола ги постигна Матео Ковачиќ.
Турците имаат 13 бода од шест натпревари и се на првото место на табелата, додека Хрватска е втора со три бода помалку, но и натпревар помалку.
Претходно Латвија ги запиша првите бодови откако ја совлада Ерменија со 2:0 и драстичќно ѝ ги намали шансите за пласман на ЕУРО. Ерменците на седумте бодови планираа да додадат три од Рига, но тотално потфрлија.
Резултати:
Латвија - Ерменија 2:0
39' Јанис Икауниекс, 68' Даниелс Балодис
Хрватска - Турција 0:1
30' Бариш Алпер Ј'лмаз
Албанија славеше убедлива победа на домашен терен против Чешка, а конечниот резултат на овој натпревар гласеше 3:0.
Стрелци за домашниот тим беа Јасир Асани и Таулант Сефери, кои погодија двапати на овој натпревар, додека голот на Арбнор Муја беше поништен поради офсајд. Интересно, двајцата стрелци за Албанија се родени во Скопје и Куманово, едниот поранешен играч на Вардар, другиот на Работнички.
Вреди да се напомене дека гостите од 40. минута играа со играч помалку поради вториот жолт картон на Мојмир Хитил.
Во вториот натпревар од оваа група Полска го победи аутсајдерот Фарски Острови со резултат 2:0. Головите за Полјаците ги постигнаа Себастиан Шимањски и Адам Букса.
Албанија е првопласирана во групата со 13 бодови од шест одиграни натпревари и е на добар пат повторно да се пласира на ЕУРО, а потоа следат Полска со 9 и Чешка со 8 бодови, но од пет одиграни натпревари.
Резултати:
Албанија - Чешка 3:0
9' Јасир Асани, 51', 73' Тауљант Сефери
Фарски Острови - Полска 0:2
4' Себастиан Шимањски, 65' Адам Букса
Во рамките на групата И одложен беше натпреварот Израел - Швајцарија што требаше да се игра во Тел Авив, а од добро познатите причини.
На неутрален терен во Унгарија, Романија ремизираше на гости кај Белорусија играјќи без голови, и пропушти шанса да избие на првото место.
Косово го победи аутсајдерот Андора на гости со 3:0.
Резултати:
Белорусија - Романија 0:0
Андора - Косово 0:3
26', 71' Милот Рашица, 83' Алтин Зеќири
Потсетување, на завршницата одат првите две од секоја група.
