Бразилскиот голман му одбрани удар од белата точка на пеналџијата од Челси, нешто што ретко на кој голман му успеало, а во Премиер лигата никому.
Алисон е првиот голман во Англија кој му одбранил пенал на Жоржињо, италијанскиот мајстор за пенали кој со својот препознатлив стил со потскокнување ги изведува пеналите. Претходно Италијанецот имаше 8 перфектни пенали.
Голманот на Ливерпул во 75. минута ја погоди страната откако Жоржино шутна во долниот десен агол. Ударот беше млак, па Алисон успешно го одбрани со парада.
„Мислам дека овој пенал е третиот во Премиер лигата кој го одбранив. Навистина сум среќен поради тоа бидејќи во Суперкупот загубивме на пенали. По такво нешто си помислуваш 'можев да одбранам повеќе, можев поинаку да се фрлам'. Но, тајната е да продолжиш понатаму, да си свесен дека одиш во вистинскиот правец, работејќи напорно“, вели скромниот Алисон.
Веднаш по одбранетиот пенал топката се врати во поле, но со навремената реакција неговите соиграчи се погрижија неговата одбрана да не биде јалова.
„По одбиената топка Мили и Вирх одработија навистина добро и мислам дека покажаа доверба во мене дека ќе го одбранам пеналот. Но, не треба да зборуваме за пеналот или за другите одбрани, треба да зборуваме за тимот, за тоа колку добро одигравме. Сепак, имаме многу работи кои треба да ги подобриме во текот на сезоната“
