Лука Модриќ го нема на списокот фудбалери на Реал Мадрид кои денеска ќе играат против Виљареал во осминафиналето од Купот на Шпанија.
Тренерот на Реал, Карло Анчелоти, реши да го одмори 37-годишниот хрватски капитен. Модриќ се врати уморен од Мундијалот и Анчелоти верува дека му треба дополнителен одмор.
„Состојбата на Модриќ не е добра по Мундијалот. Крос и Модриќ се во различни ситуации. Тони е во оптимална форма, а Лука играше на Светското првенство и не се чувствува баш најдобро. Но, со текот на времето, малку по малку ќе се опорави“, објасни Италијанецот на пресот пред натпреварот.
Модриќ, кој сезонава играше 22 пати за Реал Мадрид, постигна пет гола и двапати асистираше, по Светското првенство во Катар одмора десет дена. Неговиот и договорот на Крос истекуваат на 30 јуни.
Модриќ би можел да се врати во тимот в недела, на првенствено гостување против осмопласираниот Атлетик Билбао.
Продолжете да читате: Дали Модриќ стана излишен во Реал?
