Германската канцеларка Ангела Меркел во петок ќе се вакцинира против коронавирусот со вакцина на AstraZeneca, пишува Die Welt.
Германската канцеларка, 66-годишната Ангела Меркел ќе се вакцинира со вакцината на AstraZeneca со која во Германија се вакцинираат само луѓе постари од 60 години, поради проблемите со згрутчување на крвта, пренесе New York Post.
Еден од портпаролите на германската влада одби да ја потврди информацијата повикувајќи се на изјавата на главниот портпарол на владата Стефен Сеиберт, кој во понеделникот најави дека канцеларката наскоро ќе се вакцинира и јавноста ќе биде известена за тоа.
Досега со вакцината на AstraZeneca се вакцинираше германскиот претседател Франк-Валтер Штајнамјер, којшто во таа прилика изјави дека има доверба во вакцината којашто доби дозвола во Германија.
Според препораката за вакцинација во Германија, од почетокот на април со AstraZeneca се вакцинираат само луѓе постари од 60 години.
