Apple ги отфрли гласините кои со недели кружат, во врска со воведување на нов компјутер iMac.
Старлејн Меза, претставник за односи со јавноста на Apple, потврди за The Verge дека Apple не планира да произведува нова верзија на 27-инчниот iMac со чипот M3.
Во изминатите недели се појавија гласини дека Apple ќе претстави 27-инчен M3 iMac, откако компанијата неодамна лансираше 24-инчен iMac со M3 процесор.
Сепак, тоа се нема случено до денес, а сега е потврдено дека нема да видиме таков уред.
Меза предлага дека корисниците на кои им е премал 24-инчниот iMac, можат да го поврзат 27-инчниот Studio Display со Mac Studio или Mac Mini за да добијат повеќе работен простор.
27-инчниот Apple iMac долго време е водечки модел на компанијата за професионални корисници, за уредување фотографии и видео и други креативни задачи.а