Чекањето е пред крај, компанијата Aston Martin ќе го претстави новиот Vantage на 12 февруари. Но, тоа не е сѐ, бидејќи заедно со патниот модел доаѓаат и тркачкиот Vantage GT3 и Формула 1 болидот AMR24.
Aston Martin објави тизер за новиот Vantage со фокус на предниот браник, прикажувајќи ги познатите Vantage отвори за воздух. Се чини дека ја следат формата и браздата на актуелниот модел, но сепак има разлики. Стануива збор за подобар поглед на тие отвори од она што го видовме на шпионските фотографии, а од новата перспектива, лаковите на задните тркала на Vantage изгледаат „сериозно“ широко. Таа карактеристика не беше баш скриена на камуфлираните прототипи на Aston, но овој нов агол секако ја нагласува „визуелната драма“.
Во соопштението не се споменува ништо друго освен датумот на лансирање, кој е 12 февруари. Сепак, се очекува познатиот 4.0-литарски V8 мотор на AMG, но тоа не значи дека ќе ја испорача истата моќ како и претходниот Vantage, и не само затоа што овој мотор дава значително поголема моќност кај Mercedes-AMG моделите. Aston Martin DB12 користи твин-турбо V8 и испорачува 680 КС, а извештаите сугерираат дека новиот Vantage значително ќе ги надмине претходните F1 Edition, кои развиваат 535 КС. Затоа, не е невозможно да видиме нов V8 со повеќе од 600 КС.
Не се очекува опција за мануелен менувач бидејќи појдовниот модел е достапен само како автоматски. Сепак, во иднина би можела да се појави специјална верзија со „мануелен“, бидејќи Aston Martin претходно навести дека оваа опција ќе ја нуди во ограничен број модели како што е Valor кој дебитираше минатиот јули.
Сега останува само да го почекаме пристигнувањето на новиот Vantage за да дознаеме повеќе детали.