Слика на мексиканската уметница Фрида Кало се продаде преку аукциската куќа Sotheby’s во Њујорк за рекордна цена од 34,9 милиони долари.
Тоа е највисоката цена што ја достигнало дело на уметник од Латинска Америка. Претходниот рекорд го држеше дело на Диего Ривера, со кој Кало имаше турбулентна врска.
Неговото дело беше продадено за 9,76 милиони долари во 2018 година.
Сликата „Јас и Диего“ на Фрида Кало е еден од нејзините последни автопортрети. Беше претставена на аукцијата како едно од нејзините најважни дела што било ставено на продажба.
Купувачот е Едуардо Ф. Косантини, основач на музејот во Аргентина, пренесува New York Times.
Сликата претходно беше продадена на аукција во 1990 година за 1,4 милиони долари.
Кало е една од најпознатите сликари на 20 век, а позната е по своите интимни автопортрети кои ја отсликуваат болката и изолацијата.
Сликарката родена во 1907 година гордо ја промовираше домородната мексиканска култура преку уметноста. Нејзините дела го отсликуваат и болниот однос со сопственото тело, инвалидитет поради полио и тешките повреди здобиени во сообраќајна несреќа.
Кало почина во 1954 година.
