Дали Доналд Трамп ќе ja задржи највредната недвижнина што ја „стекна“ – Белата куќа - или Џо Бајден конечно ќе добие шанса да види како е да се биде на чело на најмоќната држава во светот?
„Бевме подготвени да победиме на овие избори. Искрено, победивме на изборите. Ќе одиме во Врховниот суд, сакаме сè да престане, гласовите повеќе да не се бројат, да не ‘најдеме’ некои гласови во 4 наутро и да ги ставиме во купот.“
Поранешниот советник за национална безбедност на Трамп, Џон Болтон, изјави дека изјавата на Доналд Трамп дека победил на изборите, додека гласовите сè уште се броеле, е „најнеодговорната изјава што некогаш ја дал еден претседател“, пренесува Sky News.
Водечките медиуми во САД различно известуваат за бројот на гласови од Избирачкиот колеџ што досега ги има освоено Џо Бајден. Така, Fox News тврди дека лидерот на Демократите има 238, додека CNN објави дека поранешниот потпретседател на Америка собрал 220 гласови. Од друга страна, и Fox News и CNN велат дека актуелниот претседател Доналд Трамп, засега, има 213. Да потсетиме, потребни се 270 изборни гласови за да се победи.