Колатерална штета во чилеанската престолнина откако демонстрантите по грешка запалија стара црква која пламна.
Илјадници демонстранти низ улиците на Сантјаго протестираа и натаму барајќи уставни измени. Се судрија со полицијата, фрлаа огнени бомби врз полициска станица, а по пат по грешка запалија и црква од 19. век.
Пожарникарите заедно со некои од демонстрантите пробаа да го изгаснат пожарот од црквата Успение, но врвот до толку изгоре што се урна.
„Оние кои прават вакви насилни дела не сакаат Чилеанците да ги решат проблемите со демократски средства“, рече министерот за внатрешни рбоати Виктор Перес.
Тој ги повика граѓаните на Чиле да го искажат својот став на референдумот на 25-ти овој месец на кој ќе се гласа дали да се прават уставни измени. Сегашниот устав на Чиле е донесен во 1980 година од страна на воената хунта на Аугусто Пиноче и не предвидува државно здравство и образование за граѓаните, кои се две од барањата на демонстрантите.
Синоќа во Сантјаго протестираа околу 25 илјади Чилеанци.