Играчот на Интер упати емотивна порака по загубеното финале од Лигата на шампионите. Тој поразот повеќе не го смета за неуспех.
Во саботата, Интер со минимални 1:0 го загуби големото финале од Лигата на шампионите против Манчестер Сити, но пружи силен отпор против силниот фаворит, пропушти неколку шанси за гол и ги убеди сите што го потценуваа дека заслужено стигнал до финалето.
Николò Барела, еден од најдобрите играчи на „Нераѕурите“, е разочаран од поразот, како и секој. Но, играта што ја покажа неговиот тим и пласманот во финалето му одржаа животна лекција, од која научил многу.
Со емотивна порака тој им се обрати на навивачите на Интер:
„Отсекогаш сметав дека победувањето е синоним за слава, а губењето синоним за неуспех. Но, за време на овие неколку години сфатив дека има нешто повеќе. Тоа е гордоста, и пред сѐ љубовта што ја добивме. Тоа е соблекувалната сочинета од момци што напорно работеа за Интер да се врати онаму каде што заслужува да биде. Тоа е потта што секогаш ја дававме за овој дрес. Тоа се победите што ни даваа емоции кои засекогаш ќе ги носиме во нас. Тоа се поразите, горчливи, тешки за надминување, но стимулирачки на свој начин што тера да направиш нешто уште поголемо“.
„Поради тоа сребрениот медал ќе стои таму најнапред, со победите, а не скриен во некој агол. Благодарам на сите за ова фантастично патување“, заврши играќот од средниот ред.
За Барела постои голем интерес од бројни европски клубови, но 26-годишниот италијански репрезентативец има договор со Интер до јуни 2026 година.
