Претседателот на Барселона, Жоан Лапорта, најде интересно име за жешката клупа на клубот, а тоа е германскиот стручњак Ханси Флик.
Угледниот германски новинар на Bild, Кристијан Фалк, кој е близок до Баерн и неговите сегашни и поранешни членови, ексклузивно објави дека се остварени контакти меѓу Барселона и Ханси Флик.
Германскиот стручњак треба да ја наследи легендата на каталонскиот клуб Чави Ернандес, кој официјализираше дека наскоро ќе го напушти Камп Ноу.
Новинарот Кристијан Фалк наведува дека Флик со години е голем миленик на претседателот Лапорта, кој се обидел да го донесе во Барселона во 2021 година преку видеоповик. Кога Германецот во таа прилика ја одби Барселона, шанса како алтернативно решение доби Чави.
Се додава и дека Флик е главен кандидат за клупата на Барселона и дека е подготвен да се врати на тренерската работа по нешто подолга пауза, а претседателот на Лапорта прави се за да ја оствари својата најголема желба.
Флик е човекот кој на Барселона ѝ го донесе најголемиот срам во последните децении. Со Баерн во август 2020 година ја демолира Барселона со резултат 8:2 во четврт-финалето на Лигата на шампионите и потоа ја освои најпрестижната европска титула. Ова е првпат некој да постигне осум гола за Барселона од 1946 година кога беа поразени од Севиља со 8:0.
Во својата тренерска кариера Флик нема големо искуство на различни позиции бидејќи раководеше само со Баерн и германската репрезентација. Сепак, со Баварците освои две Бундеслиги, Куп, Суперкуп, Лига на шампиони, УЕФА Суперкуп и Светско клупско првенство.