Претседателот на Барселона уверува дека главната ѕвезда нема да си оди и ќе игра уште три или четири сезони по што ќе замине во пензија.
„Не го велам ова само јас. Самиот Меси го кажува, дека сака да ја заврши професионалната кариера во Барселона и дека тоа е единствениот клуб за него“, вели Жузеп Марија Бартомеу во интервју за beIN SPORTS.
Ова доаѓа откако во последно време повторно се раширија шпекулации дека Аргентинецот е незадоволен од тоа како се одвиваат работите во Барселона, а тоа сака да го искористи Интер и да го донесе во Серија А со што и би се воскреснало ривалството Меси - Роналдо.
„Апсолутно немам никакви сомнежи дека која ќе ја заврши својата фудбалска кариера за три или четири години, тоа ќе биде тука во Барселона. Меси има многу јасен став. Тој е тука од кога беше дете. Ги знае нашите бои и веќе е дел од историјата на клубот“, тврди тој.
За Бартомеу не само што Лео Меси е најдобриот фудбалер во модерниот фудбал, туку тој е и во целата фудбалска историја, подобар и од Пеле и Марадона.
„Тој е најдобриот играч на светот. Не само сега во моментов, туку во историјата на оваа игра. Тој е во Барселона и јасно стави дознаење дека останува тука“.
