Во скандинавските земји вообичаено е додека родителите пијат кафе во кафуле, детските колички со бебиња да ги остават надвор. Една мајка од Данска во вирално видео на TikTok објасни зошто е така.
Таа вели дека без оглед на временските прилики, вообичаено е бебињата во Данска да спијат надвор. Тоа исто така е препорака на медицинските сестри во оваа земја.
„Свежиот воздух ги одржува бебињата здрави и им помага подобро да спијат. Дремење во количка е дозволено на сите временски услови“, вели таа.
Повеќето детски колички се накривени, а во нив има монитори за следење со цел родителите да проверат дали децата се разбудени.
„Овде не киднапираат деца бидејќи никој не сака да биде одговорен за туѓо дете. Нашиот здравствен систем е таков што овозможува сите кои сакаат да имаат потомство тоа можат бесплатно да го остварат, без дополнителни трошоци“, вели оваа мајка на четири деца.
Иако нема многу студии за придобивките и опасностите од спиењето на децата на свеж воздух, родителите чии бебиња често спијат на отворено тврдат дека забележале позитивни резултати – нивните деца имаат подобар имунитет и подолго спијат.
@annieineventyrland ♬ path of the wind ~ my neighbor totoro lofi - Closed on Sunday
