Интересна случка ни доаѓа од узбекистанската лига каде еден играч на негов соиграч мораше да му одржи лекција по глума.
Имено, фудбалерот на Бунјодкор, Усмонали Исмоналиев, пред очите на судијата го удри фудбалерот на Андижан, Мухамадкарим Тоиров, со нога по рамо и доби црвен картон. Ударот не беше силен, буквално беше како да го допира. Удрениот Тоиров не ни реагираше, но затоа неговиот соиграч Фарход Бекмурадов дојде до него и го турна на земја за глумата да биде поуверлива.
Она што е чудно е дека откако судијата му покажа директен црвен картон на Исмоналиев, Бекмурадов се врати кај паднатиот соиграч и го шутна.
Инаку, Бунјодкор, некогашен шампион, по 5 кола во новата сезона е последен на табелата со само 2 бода, додека Андижан е прв со 11. На овој натпревар Андижан победи со 5:1, а резултатот при исклучувањето на Исмоналиев беше 1:1.