Синоќа се одржа 65-тото доделување на Греми наградите во Крипто Арената во Лос Анџелес.
Најмногу награди годинава освоија Хари Стајлс, Кендрик Ламар, Адел и Бијонсе.
Наградата Греми се доделува во повеќе од 91 категорија, а комплетната листа можете да ја најдете овде.
Наградата за албум на годината ја освои Хари Стајлс за албумот „Harry's House“. Најдобар нов изведувач е Самара Џој. Наградата за песна на годината ја доби Бони Рајт со „Just Like That“.
Најдобра поп соло изведба ја доби песната „Easy on Me“ на Адел, додека за најдобра поп-дуо или групна изведба „Unholy“ на Сем Смит и Ким Петрас.
Наградата за најдобар традиционален поп вокален албум ја доби песната „A Beautiful Time“ на Вили Нелсон. Најдобар поп вокален албум е албумот „Harry's House“ од Хари Стајлс.
Греми за најдобро денс видео и најдобар денс/електронски албум ѝ припадна на Бијонсе.Таа ја освои и наградата за најдобра традиционална R&B изведба за „Plastic Off the Sofa“ и најдобра R&B песна за „Cuff It“.
Најдобар рап албум на годината е „Mr. Morale & the Big Steppers“ од Кендрик Ламар, а Греми за најдобра рап изведба отиде во рацете на Кендрик Ламар за песната „The Heart Part 5“.
Најдобра рок изведба ја доби Бренди Карли за „Broken Horses“, а Греми за најдобар рок албум му припадна на Ози Озборн за „Patient Number 9“.