Милијардерот Бил Гејтс изјави дека е потребен голем истражувачки напор вреден неколку десетици милијарди долари за светот подобро да се подготви за следната пандемија.
Вели дека е шокиран од бројот на смртни случаи од коронавирусот SARS-CoV-2 и економската штета која настана поради пандемијата, односно треба да се финансира работата за подобрување на вакцините, третманите и дијагностичките тестови потребни за ефективно сузбивање на следната пандемија.
„Не добивме вакцини кои спречуваат зараза. Вакцините кои ги имаме го чуваат нашето здравје, но само во мала мера го спречија пренесувањето. Потребен ни е нов начин на изработка на вакцини“, изјави Гејтс во интервју за Policy Exchange.
Американската научна фела за ефективноста на вакцините процени дека вакцината на компанијата AstraZeneca по две дози нуди 65% заштита од инфекција, а вакцината на Pfizer заштита од 75%. И двете вакцини треба да бидат околу 95% ефективни при заштита од хоспитализација.
Но, проблем е што имунитетот стекнат по вакцинација со текот на времето слабее.
Гејтс најави дека не е среќен поради тоа што нема ефективни третмани за ковид, додавајќи дека иако дексаметазонот и новиот антивурусен лек молнупиравир може да помогнат, ефектот од терапијата е многу помал од очекуваниот.