Ракометниот гигант од Градот на конзулите ги повика своите навивачи на утрешното дерби со Вардар 1961 да ја рекреираат акцијата на Бетис за собирање плишани играчки за децата од ранливите категории.
Секоја година на последниот натпревар на домашен терен пред католички Божик навивачите на шпанскиот прволигаш Бетис фрлаат куп плишани играчки кои потоа клубот ги подарува на деца од сиромашни фамилии и ранливи категории, за секое дете да добие подарок за Божик.
Така беше и на полувремето од неделниот натпревар од 17. коло против Реал Сосиедад во Ла Лига кога стотици плишани играчи полетаа од трибините. Иначе, Бетис победи со 4:0.
Оваа акција сега треба да се одржи и кај нас, поточно во Битола. Иако утре прво од 13 часот Пелистер и Вардар ќе го одиграат дербито во рамките на четвртфиналето од фудбалскиот Куп на Македонија на стадион „Под Тумбе Кафе“, акцијата со играчките ќе се случи подоцна, на ракометната пресметка помеѓу истите два клуба од 18 часот со „Боро Чурлевски“ салата.
Присуство на натпреварот најави и навивачката група на Вардар, Комити, па ете можност и тие да се вклучат во акцијата за уште поубава дерби атмосфера.
