Англискиот фудбал по многу нешта се разликува од другите лиги во светот, а она што го прави единствен е познатиот Боксинг деј и натпреварите кои се играат на тој ден.
Традиција е повеќе од 120 години англиските клубови да играат првенствени натпревари ден по Божиќ, со што се одбележуваат празниците.
Денеска, ден по Божиќ, ќе се играат натпревари во англиските лиги, а Премиер лигата ќе го одбројува своето 17. коло и воедно прво по завршувањето на Светското првенство во Катар.
Традицијата да се играат натпревари во англиските лиги ден по Божиќ датира од 19 век, а покрај неодамнешните поплаки дека играчите се премногу уморни поради натпреварите за време на празниците, на Англичаните ќе им биде тешко да ја елиминираат таквата практика, дури и во оваа ситуација.
Неколку теории се поврзани со постоењето на Боксинг деј, а најзборуваната е дека тоа е првиот ден по Божиќ кога богатите Англичани им давале подароци на своите слуги.
Дел од традицијата е дека билетите на Боксинг деј се поевтини за да можат да си ги дозволат што е можно повеќе луѓе, а исто така се вели дека сопствениците на годишни билети честопати ги подаруваат билетите на овој ден.
Сепак, Боксинг деј не е крај на спектаклот и празничната атмосфера на стадионите во Англија. По денешниот ден, натпревари се играат во вторник и среда, а новото коло започнува веќе во петок и ќе се игра на Нова година и првиот ден од 2023 година.
- понеделник
Брантфорд - Тотенхем (13:30 ч.)
Кристал Палас - Фулам (16 ч.)
Евертон - Вулфс (16 ч.)
Лестер - Њукасл (16 ч.)
Саутемптон - Брајтон (16 ч.)
Астон Вила - Ливерпул (18:30 ч.)
Арсенал - Вест Хем (21 часот)
-вторник
Челзи - Борнмут (18:30 часот)
Манчестер Јунајтед - Нотингем Форест (21 часот)
-среда
Лидс - Манчестер Сити (21 часот)
