Невидена трагедија го погоди бразилскиот фудбал откако за време на натпревар загина фудбалерот Жеовани Бјаншу.
Играчот кој настапувал во аматерските лиги на бразилскиот фудбал имал 42 години и доживеал удар во градите на пријателски натпревар во дресот на неговиот Културал Ториненси против Испорчиву Рекреативу, по што полицијата уапсила 21-годишен фудбалер чиј идентитет сѐ уште не е откриен.
Локалните медиуми јавуваат дека споменатиот фудбалер тотално полудел при една мешаница, по што во скок го удрил Бјаншу. Искусниот фудбалер бил пренесен во болница, но веднаш починал.
Бјаншу ги остави сопругата и тригодишниот син. Настанот се случил во близина на градот Карлус Барбоза во јужниот дел на Бразил.
Сведок ѝ рекол на полицијата дека Бјаншу се скарал со противнички играч откако направил фаул, а потоа налетал трет играч кој силно го удрил и ја предизвикал неговата смрт.
„Мислевме дека ќе раздели двајцата, од кои едниот беше жртвата, но наместо тоа тој му зададе удар во скок“, рекол сведокот.
Приведениот 21-годишник го признал нападот, но тврди дека „ја изгубил главата“ во моменти на лудило и бил пуштен да се брани додека се чека истрага бидејќи не бил фатен на дело.