Селекторот на машката ракометна репрезентација за вчерашниот последен натпревар на Мундијалот вели дека Македонија атакувала на победа, а ротација-две фалеле за тоа да се оствари.
Македонија вчера го одигра својот последен натпревар на Светксото првенство во Египет каде во прилично израмнета игра 40 минути бевме рамноправен противник со Белорусија, за потоа да се случи пад и на крај да загуибиме со 30:26.
„Ова беше еден од подобрите натпревари за нас на ова Светско првенство. Во изминатите денови се соочувавме со многу проблеми, повредени играчи, здравствени проблеми, но собравме снага, собравме екипа за да одиграме коректно. Момците одиграа во границите на своите можности, со некоја ротација плус можеби ќе можевме да оствариме и многу подобар резултат на овој натпревар“, рече Брестовац.
„На овој натпревар ние игравме за да победиме, додека конечниот пласман навистина не нѐ интересираше“, додаде тој.
Со евентуална победа Македонија ќе рипнеше неколку места погоре во конечниот пласман на Мундијал, додека вака заврши на 23. место, а од втората рунда во која игравме зад нас е единствено Уругвај.
