Британскиот експерт за слабеење д-р Мајкл Мозли го сподели својот совет за оние кои сакаат „брзо“ да ослабат.
Тој предлага да следите брза диета која вклучува внесување само 800 калории дневно, со јајца за појадок.
Говорејќи за BBC Breakfast, д-р Мозли објасни: „Ова е фазен процес - првата фаза е брзо губење на тежината со 800 калории дневно. Ја следите диетата најмалку две до три недели, а некои луѓе продолжуваат да ја следат и до 12 недели“.
Мозли се осврна на студиите кои го поддржуваат неговиот план за исхрана: „Една студија на северот на Англија за диета која вклучува јадење 800 калории дневно до 12 недели, истакна просечно губење на тежината од околу 14 килограми. Имаше уште една студија направена од Оксфорд и изгубиле 10 килограми за една година“.
Експертот објасни дека една храна е најдобар избор за слабеење: „За појадок јадам јајца и аспарагус – книгата има голем број рецепти, но јас сум голем љубител на јајца, јајцата ќе ве заситат“.
„Можете да јадете пржени јајца, варени јајца, што сакате. Понекогаш јадам јајца со шунка или малку лосос. Се плашам дека нема тост, но затоа има многу чај и кафе, многу течности. Ги охрабрувам сите што следат нискокалорична диета да пиете многу течности - затоа што ќе се исушите“, објасни тој.
Додека јајцата за појадок ви помагаат да изгубите тежина, докторот предупреди дека луѓето кои внимаваат на нивната тежина треба да внимаваат какво месо јадат, со посебен акцент на преработеното месо кое треба да се консумира умерено.