Серијата за канибалот од Милвоки стана една од најгледаните на Netflix.
„Monster: The Jeffrey Dahmer Story“ со Еван Питерс во главната улога на злогласниот американски сериски убиец Џефри Дамер, беше објавена на 21 септември и очигледно има невиден ефект врз гледачите.
За само две недели, серијата стана деветта најпопуларна ТВ-серија на англиски јазик на Netflix на сите времиња .
Досега се изгледани 496,1 милиони часа од серијата „Monster“, а најмалку 56 милиони корисници ги гледале сите 10 епизоди, според Variety.
Netflix ја мери популарноста на серијата со пресметување на часовите гледани во првите 28 дена од објавувањето. „Monster: The Jeffrey Dahmer Story“ има уште малку повеќе од две недели да собере повеќе прегледи што ќе се бројат.
Продолжението на текстот содржи спојлери
Приказната го реконструира животот и злосторствата на еден човек кој дрогирал, силувал и искасапил 17 млади мажи, од кои повеќето Афроамериканци. На некои од нив извршил и некрофилни дејствија и изел делови од нивните тела.
Прикажани се и некои брутални сцени што вознемирија некои гледачи, како онаа во која Дамер храни жена со сендвич со човечко месо, како и презентација на неговиот метод на намамување на жртвата, онесвестување и вршење грозоморни дејствија врз нив.
Дамер беше уапсен во 1991 година и осуден на 16 доживотни затворски казни за убиство и распарчување на 17 мажи и момчиња помеѓу 1978 и 1991 година.
Дамер бил убиен во затвор од затвореник на 28 ноември 1994 година.