Од денеска до 31 јули во соседна Бугарија на сил е нова привремена забрана за влез на нејзината територија за сите, без разлика на нивното државјанство, преку сите гранични премини – воздушни, поморски, железнички и копнени.
Забраната важи и за граѓани на Република Северна Македонија, Србија, БиХ, Црна Гора, Косово, Албанија и Турција.
Исклучокот од забраната за македонските државјани важи само за оние кои транзитираат преку Бугарија за да се вратат дома.
„Транзит се дозволува само во случаи кога може да се гарантира неодложно напуштање на територијата на Република Бугарија“, стои во одлуката.
Забраната е привремерна мерка како последица на влошената епидемиолошка ситуација со коронавирусот во регионот, вклучувајќи ја и нашата земја.
Според податоците објавени на сајтот Worldometers.info, во Бугарија од почетокот на пандемијата досега се регистрирани вкупно 7.877 случаи на COVID-19. Од нив, 289 починаа, а 3.841 се оздравени.
