Понекогаш е невозможно да го игнорираме чувството на глад кое се јавува во текот на доцните вечерни часови. Во тој случај, важно е да одбереме намирници кои ќе ни помогнат да ја сочуваме витата линија.
Нутриционистите сметаат дека овие намирници можеме да ги јадеме и во доцните часови, без грижа на совест.
1. Пуканки
Идеален избор ако имаме потреба нешто да грицкаме, барем за кратко ќе ја смири желбата за храна. Ако сакате целосно да биде здрава ужинка, намалете го маслото на минимум кога ги подготвувате.
2. Јаткасти плодови
Јаткастите плодови се богати со омега-3 масни киселини, неопходни за нашиот организам, може да бидат совршен избор за доцна вечера, но обидете се да не изедете повеќе од една дланка јаткасти плодови.
3. Тост со намаз од авокадо
Авокадото спаѓа во една од најздравите намирници кои може да ги вклучиме во исхраната. Намазот од авокадо може да го консумирате на парче двопек, за да го заситите чувството на глад.
4. Грчки јогурт
Одличен избор кога сакате да го зголемите внесот на протеини, а ако го додадете и вашето омилено сезонско овошје ќе добиете брза и вкусна вечера која нема да влијае надобивање вишок масни наслаги.